Рубрика: Тәрбие үрдісі

“ДосболLIKE – достыққа қадам жаса!” Мектебімізде республикалық акция өтті

Оқушыларды өзара сыйластыққа, түсіністікке, мейірімге шақыратын “ДосболЛайк” республикалық акциясы мектепте жоғары деңгейде ұйымдастырылды. Іс-шара барысында түрлі қызықты тапсырмалар, постер қорғау, танымдық ойындар өткізілді. Оқушылар белсенділік танытып, бір-біріне қолдау көрсетудің үлгісін…

Балалардың түнгі уақытта қауіпсіздігін сақтау мақсатында Маңғыстау облыстық полиция департаментімен бірлесіп “Түнгі қаладағы балалар” атты акция өткіздік.

Мұндай шаралар жасөспірімдер арасындағы құқықбұзушылықтың алдын алуға және олардың қауіпсіздігін арттыруға бағытталған. #1tutas_tarbie_mangystau #birtutas_tarbie2024 #oqu_agartu_ministrligi #rumcdo_official #mangystau_obl_bilim_baskarmasy #mangystau_obl_adistemelik #tupkaragan_bilim #tup_oqu_adistemelik_ortaligy

Мектебімізде кәмелетке толмағандардың құқықбұзушылықтарының алдын алу мақсатында жиналыс өтті.

Полиция қызметкерлері оқушыларға: • құқық бұзушылық жасаған жағдайда профилактикалық есепке қойылатынын; • үнемі бақылауда болатынын; • темекі мен алкоголь өнімдерінен, психотроптық заттардан аулақ болу қажеттігін ; • топтық төбелес, буллинг…

“Адал азамат” біртұтас тәрбие бағдарламасы аясында «Даналық мектебі» жұмыс жоспарын іске асыру мақсатында 14 қараша күні мектебімізде аталарға арналған “Менің атам” тақырыбында қызықты шеберлік сабағы өткізілді.

Оқушылар өз аталарымен бірге ағашқа сурет салып, креативті идеяларын жүзеге асырып, ерекше әсер алды. Ұрпақ арасындағы байланысты нығайтқан бұл шара бәріне ортақ жылы естелік сыйлады. Шараның мақсаты: – Аталар мен…

“Адал азамат” біртұтас тәрбие бағдарламасы аясында мектепте қазақ вальсінің королі Шәмші Қалдаяқовтың 95 жылдығына арналған “Жырлайды жүрек Шәмші әнін” атты әсерлі кеш өтті. Шараның мақсаты: Ұлы композитордың мәңгілік мұрасын насихаттау, оқушылардың ұлттық өнерге деген сүйіспеншілігін арттыру, шығармашылық қабілетін дамыту және эстетикалық тәрбие беру.

Кеш барысында 5–7 сынып оқушылары Шәмші Қалдаяқовтың жүрекке жеткен әуезді әндерін орындап, әндеріне қойылған көріністер арқылы композитор шығармашылығын жан-жақты танытты. Оқушылар мен ұстаздар қауымы Шәмші әндерінің мәңгілік сазына бөленіп, рухани-мәдени…

Ұлттық валюта – теңге күні! “Адал азамат” біртұтас тәрбие бағдарламасы аясында Ұлттық валюта – теңге күніне орай сынып сағаттары өткізілді. Іс-шара барысында оқушылар ұлттық валютаның тарихымен, оның ел экономикасындағы маңызы мен рөлімен танысты. Теңгенің – ел тәуелсіздігінің басты нышандарының бірі екені ерекше атап өтілді.

Педкеңес «Білім сапасы – үздік мектеп болу кепілі» тақырыбында №2 педагогикалық кеңес өткізілді. Педагогикалық кеңесті мектеп басшысы Икаева Ұлболсын Камидуллаевна ашып, білім сапасын арттыру бағытындағы негізгі мақсаттар мен міндеттерді атап өтті. Күн тәртібінде төмендегі мәселелер қарастырылды: 1-тоқсан бойынша білім алушылардың білім сапасының, оқу үлгерімінің қорытындысы. Гимназия сыныптарының сапасы, оқушылардың сабаққа қатысуының салыстырмалы мониторингі. I тоқсан бойынша қорытынды сараптау ( К.Турланова, М.Берікбай, А.Дүйсен) Негізгі пәндерден алынған бастапқы бақылау нәтижесінің қорытындысы туралы. Нөлдік кесінді қорытындысы негізінде қиындық келтірілген оқу мақсаттары бойынша жұмыстың ұйымдастырылуы (К.Турланова, Б. Ізтлеуова) 5-сыныптарда қазақ тілі мен әдебиеті, орыс тілі мен әдебиеті, ағылшын тілі, математика пәндерінен білім алушылардың білім деңгейін саралауда БЖБ, ТЖБ қорытындысын талдау ( К.Турланова, Бірлестік жетекшілері) 1, 5-сынып оқушыларының мектепке бейімделуі, мектеп оқушыларының эмоционалдық дамуы, 5-сынып оқушыларының негізгі пәндер бойынша білім сапасын салыстырмалы зерделеу қорытындысы( К.Турланова, Б.Ізтлеуова, А.Төлеуова) Жасанды интеллекттің мұғалім өміріндегі рөлі мен қолдану барысы (Ұ.Икаева) Педагогикалық кеңес барысында оқу-тәрбие процесінің тиімділігін арттыруға бағытталған ұсыныстар талқыланып, алдағы кезеңге арналған нақты іс-шаралар айқындалды.

4 қараша күні мектебімізде жалпы білім беретін пәндер бойынша 5–6 сынып оқушыларына арналған республикалық олимпиаданың мектепішілік кезеңі өтті. Оқушылар өз білімдерін сынап, түрлі пәндер бойынша өзара бәсекеге түсті. Олимпиаданың басты мақсаты — оқушылардың қызығушылығын арттырып, дарынды балаларды анықтау.

2026 жылдың 26 сәуірінде адамзат тарихындағы ең ірі техногендік-экологиялық апаттардың бірі — Чернобыль атом электр станциясындағы апатқа 40 жыл толады. Осы күнге және Халықаралық радиациялық апаттар құрбандарын еске алу күніне орай мектебімізде танымдық сағат өтті. Іс-шара барысында оқушылар Чернобыль апатының себептері мен салдары туралы тың деректермен танысып, экологиялық қауіпсіздік пен табиғатты қорғаудың маңызын ұғынды. Мұндай шаралар жас ұрпақтың экологиялық мәдениетін қалыптастырып, бейбіт өмір мен табиғаттың қадірін түсінуге жол ашады.