“Адал азамат” біртұтас тәрбие бағдарламасы аясында және “Зорлық-зомбылықсыз 16 күн” республикалық акциясына арналған апталық жоспар бойынша мектебімізде жеке гигиена дағдыларын қалыптастыру, оқушылардың құқықтық сауаттылығын арттыру және зорлық-зомбылықтың алдын алу мақсатында ақпараттық-түсіндіру кездесуі ұйымдастырылды.

Іс-шараға Түпқараған ауданы ПБ ҚҚб отбасы-тұрмыстық зорлық-зомбылықтың алдын алу және оған қарсы күрес тобының аға инспекторы, полиция майоры Байгуренова Гүлжан, Түпқараған орталық аудандық ауруханасының салауатты өмір салтын қалыптастыру орталығының маманы Г. Изтлеуова, сондай-ақ мектеп мейірбикесі Балғабаева Алтынай қатысып, оқушыларға өз құқығын білу, қауіпсіз мінез-құлық дағдылары, жеке бас гигиенасы, тұрмыстық зорлық-зомбылықтың түрлері мен алдын алу жолдары туралы жан-жақты ақпарат берді.

Кездесу барысында оқушыларға пайдалы кеңестер ұсынылып, ашық сұхбат жүргізілді. Іс-шараның мақсаты – балалардың құқықтық мәдениетін көтеру, денсаулыққа жауапкершілікпен қарауға баулу және зорлық-зомбылыққа төзбеушілік көзқарасын қалыптастыру.