19 қыркүйек күні мектебімізде 7-сынып оқушылары арасында «Абайды таны, адамзат!» атты викториналық сайыс өткізілді.
Сайыстың мақсаты – ұлы ақын, ойшыл Абай Құнанбайұлының өмірі мен шығармашылығын терең танып, жас ұрпақтың бойына ұлттық құндылықтарды сіңіру, ой-өрісін кеңейту болды.
Шара барысында оқушылар Абайдың өмір жолы, өлеңдері, қарасөздері, аудармалары және әндері бойынша түрлі деңгейдегі сұрақтарға жауап беріп, өз білімдерін сынады.
Викторина тартысты да қызықты өтті. Қатысушылар белсенділік танытып, ұлы тұлғаның мұрасына деген құрметін көрсетті.
Нәтижесінде үздік шыққан топтар мен оқушылар марапатталып, сайыс жоғары деңгейде аяқталды!